داغلار گئییر یاواش – یاواش الوان گئییملرین
بس هارداسان گولوم یئیین اول گل باهار گلیر
تازا ایلین یئتیشمه سین بوتون عزیزلر تبریک دئیره م و امودوم وار ۹۱ اینجی ایل هامییا برکتلی بیر ایل اولا
بساط سبزه نی پهن ایله ایبدی صحرایه
بیر آیری رنگ و طراوت وئریبدی دنیایه
غریبه نظمه چکیبدیر او صانع ازلی
ائدیبدی تعبیه نظمینده مین بیر آرایه
عروس لاله گلیر گوئیا کی گورمگینه
چکیبدی صف بالا قیزلار گئدیر له صحرایه
نه زمزمه ائلییرلر بودوم دورو چایلار
بو داملالار نه اوچون اوز قویوبلا دریایه
آغاجلارین قوجاغیندا اوکورپه یارپاقلار
ائدیرله حمد و ثنا کردگار یکتایه
مگر باخیب گوره سن جان گوزیله صحرانی
کی قدرت حق یکتایه آیه دیر آیه
نوشته شده در یکشنبه بیست و یکم اسفند ۱۳۹۰ساعت 13:8 نویسنده علی شهودی
